«Кеме қатынасының тіркелімі» филиалында Қазақстан халықтарының тілдері күнін мерекелеу

            2023 жылғы 5 қыркүйек күні Қазақстан халықтарының тілдері күнін мерекелеу аясында «Кеме қатынасының тіркелімі» филиалында «Білесің бе?»
атты зияткерлік сайыс өткізілді.
            Сайыстың мақсаты ана тіліміздің қолдану аясын кеңейту, мәртебесі мен маңызын кеңінен насихаттау, өзге ұлт өкілдері арасында қазақ тілін меңгеру деңгейін көтеру, мемлекеттік тілге деген қызығушылықтарын арттыру.
            Сайыс 5 кезеңді қамтыды, оған екі топ қатысты. «Кім шапшаң?» тапсырмасында Александр Остриков жаңылтпашты жылдам оқып көзге түссе, «Сұрақ шашу» сайысында Руслан Беркендинов берілген сұрақтарға өзгелерден тезірек жауап беріп өзінің белсенділігімен көзге ілінді. Ал, «Бетпе-бет» тапсырмасын орындау кезінде Жоламан Оразов, Виталий Солопий, Дамира Кабдуллина және т.б. өз тапқырлықтарын көрсете білді. Іс-шара соңында екінші топ жоғары баға алып, жеңімпаз атанды.

Артқа