2019 жылғы 15 наурызда Семей қаласында Қазақстан Республикасы Индустрия және инфрақұрылымдық даму министрлігі Көлік комитеті төрағасының орынбасары Қ.К. Нүркеновтің басшылығымен Шығыс Қазақстан және Павлодар облыстары әкімдіктерінің, «Атамекен» ұлттық кәсіпкерлер палатасының, «Қазақстан су жолдары» РМҚК, көліктік кеме қатынасы компаниялары және басқа да ұйымдар өкілдерінің қатысуымен Ертіс бассейнінде кеме қатынасын дамыту мәселесі бойынша аймақтық мәжіліс өткізілді. 

       Мәжіліс жұмысына Ертіс өзені бойымен одан әрі солтүстік теңіз жолдарына шығатын ҚХР және РФ бағытында жүктерді тасымалдауға қызығушылық білдірген қытайлық компания өкілдері де қатысты.

       Жақын арада мәжіліс қорытындысын Көлік комитеті 2020-2025 жылдарға арналған «Нұрлы жол» мемлекеттік бағдарламасы жобасына және Өңірлерді дамыту жоспарларына жүйелі мәселелерді қоса отырып,  жеке жол картасына жинақтап қорытындылайтын болады.

Артқа