«Қазақстан су жолдары» РМҚК Орал филиалы «Су көлігі мен су инфрақұрылымын дамыту, ұстау» 092 бюджеттік бағдарламасы шеңберінде 2020 жылғы 15 маусымнан бастап түпті тазарту жұмыстарын бастады. 2020 жылғы навигацияға жоспарланған түпті тереңдету жұмыстарының жалпы көлемі – 5200 тонна. Бұл жұмыстарға жүк көтергіштігі 5 тонна «ПК-1» жүзу краны және жүк көтергіштігі 10 тонна «СДК-2» өздігінен жүретін түпті тазарту краны кірісті. «ПК-1» өздігінен жүрмейтін жүзу кранын сүйреу және маневрлік жұмыстар үшін «Батыр» кемесі пайдаланылады. Түпті тазарту жұмыстары учаскесінің жалпы ұзындығы Ириновский жарынан бастап Кривостарицкий жарына дейін (Чапаев ат.шығанақ) 122 шақырымды құрайды.