Филиалда 28 қыркүйек 2018 ж. Қазақстан халықтарының тілдер күніне арналған «Тіл білгірі» байқауы өткізілді.
Байқаудың мақсаты: мемлекеттік тілді білуге қызығушылықты арттыру, мемлекеттік тілді кеңінен қолдана отырып,  тіл саясатын жақсарту.
Іс-шараға филиалдың әкімшілік басқару персоналының, Бұқтырма, Өскемен және Шүлбі шлюздерінің жұмысшылары қатысты. Байқау мемлекеттік тілде өзін таныстыру, сөздерді аудару, жұмбақтардың жауабын тауып мемлекеттік тілге аудару, мемлекеттік тілде суретті бейнелеу және тест сияқты 5 тур бойынша өтті.
Қатысушылар мен көрермендер байқауға  белсенді түрде қатысып, мемлекеттік тіл бойынша білімдерін көрсете білді.  Байқау қатысушыларының қорытынды көрсеткіштері бойынша әділ қазылар алқасы 1, 2 және 3 орынды анықтап, грамота мен ақшалай сыйлықтар табыстады. Қалған байқау қатысушыларына ескерткіш сыйлықтар берілді.

Артқа