«Қазақстан су жолдары» РМҚК 2019 жыл - Жаңа жылмен құттықтауы

Құрметті әріптестер!

Сіздерді Жаңа жыл мерекесімен құттықтаймыз!

Жаңа жыл – зор қуанышпен асыға күтетін, өткенге қорытынды жасап, атқарылған істі саралайтын, әрі жаңа мақсат-міндеттерді белгілейтін және болашақтан жақсы үмітті күттіретін мереке.

Біз қашанда өткенге салауат айтып, келер күннен жақсылық күткен халықпыз. 2018 жыл біз үшін, кәсіпорнымыз үшін берекелі де жемісті жыл болды. Осы күнге дейін жеткен жетістігімізде әрқайсыларыңыздың жеке үлестеріңіз бар. Бұл - сіздердің қажырлы еңбектеріңіздің жемісі.

Елімізде татулық пен достықтың, тұрақтылық пен жасампаздықтың, ынтымақтастық пен бірліктің бұзылмас қамалы бекіп, кемелді келешек үшін жол ашар тағы да бір қадам жасалды.

Келер жыл толағай табыстар әкеліп, халқымыз игілікке, мемлекетіміз молшылыққа, әр шаңырақ береке мен шаттыққа кенеле берсін!

Жаңа жыл құтты болсын!

«Қазақстан су жолдары» РМҚК

Артқа