Биылғы жылы ҚР ИИДМ КК «Қазақстан су жолдары» РМҚК Павлодар филиалында «Павлодар облысының еңбек инспекциясы» ММ (14.01.2020ж.), «Азаматтарға арналған үкімет» мемлекеттік корпорациясы» ҰАҚ Павлодар облысы бойынша филиалы (17.01.2020ж.) және «Әлеуметтік медициналық сақтандыру қоры» ҰАҚ (20.01.2020ж.) өкілдерімен жұмыс семинар-кездесулері өтті.
Кездесу барысында мамандар аталған ұйымдардың функциясы, жүйесі мен қызмет бағыты жөнінде баяндап, презентация жасады. Филиал қызметкерлерінің сұрақтарына тұщымды жауап беріліп, еңбек заңнамасы, зейнетақымен қамтамасыз ету, әлеуметтік медициналық сақтандыру жүйесі және халыққа сапалы медициналық көмектің қолжетімділігі жөніндегі өзекті мәселелер талқыланды.
Аталған іс-шаралар филиал қызметкерлерінің құқықтық сауаттылығы мен құқықтық сана-сезімі деңгейін арттыру мақсатында өткізілді.